Тағ ээзиниң аара чооқ

Қазыр теп тайғада аңнар қалын полған: албуға, тииң, қандус, тӱлгӱ, коланақ, пашқа-пашқа аңнарды ӧдӱргеннер. Қорумда кӧп албуғалар аңыққа қапқаннар.

В тайге по имени Казыр много зверей было. (Там) соболя, белку, выдру, лисицу, колонка, различных зверей убивали. В россыпях много соболей в сеть попадало.

Кӱскӱ келгенде қар тӱшпарды. Шаналарын тағрап ашыққалып сӧрткелериң тартынғанче, ол тайғаға парғаннар. Ол тайғаға келип одағ турғузып, шачынғаннар. Анаң аңнапергеннер.

Когда осень пришла, снег выпал, (люди) лыжи починили, запас взяли, волокушу за собой волоча, в ту тайгу пошли. В ту тайгу придя и балаган поставя, моление совершили. После того стали промышлять.

Аңнап чӧрӱп, аңнарды ӧдӱр полбанчалар. Пир ачықчы кижи кӱн тооза аңнап чӧрӱп аға пирда небе ӧтӱрбен қарышқы полапергенде одағынна нандыра келчытқан. Қачан одағынна тебе келчытқанда сандығы қайа келеперген. Қайан эжиги ажылығ полған. Ол аңчы кижи аға кӧрген.

Охотясь, зверей убить не могут. Один охотник [-человек] целый день, [охотясь] ходил, — ему ни один зверь не попался. (Он) ничего не убил. Когда темнота наступила, (он) к балагану направился. Направляясь к балагану, к отвесной горе подошел. Дверь этой скалы открытой была. Тот охотник [-человек] туда вошел.

Ол қайаң ишти одағ иштине чӱннӱг полған. Анда араға ажылчатыр, кӧп кижилер карт ойнапчатырлар. Ийгизи талажып одурчаттырлар. Пирси-пирзин сӧгӱп одурчатыр. Пирси айтча: «Меең тайғамда алында кӧп аң полған. Кижилер меең аңнарымны кӧп ӧдӱрбодурғанда анаң тоқ полғаннар. Сен мени удубалдың малларымны позуңуң тайға кӧчӱрӱбӱстӱн, ам тезе кижилерим аңнап чӧрӱп пирда небе одӱр полбанчалар. Ашта перерлер». Кӧп кижи қыйғырышчатқанары уғулду: «Пазоқ ойнарға керек», теп, карталарың шелибистилер. Ийгинчи кижизи қатқырып айтты: «Ол но салар! Ааң қуш чоқ!» Паштапқызы айтты(ол Казыр тайғаның ээзи): «Куштарымны салып позумну эмдегизины кӧзӱбе саларым!» Анан пазок ойнабертилер.

[Той] скалы внутреннее устройство на юрту было похоже. Там гнали водку. Много людей сидело и играло в карты. Двое ссорились. Друг друга бранили. Первый из них сказал: «В моей тайге прежде много зверя было. Люди моего зверя этого убивали, тем сыты были. Ты меня обыграл, скот мой в твою собственную тайгу перегнал; теперь же мои люди на промысел ходят, ничего убить не могут — (они) голодать будут!» Слышно было, как много людей закричало: «Снова играть надо!» (Так крикнув) карты швырнули. Второй (из споривших) человек захохотал и сказал: «Что ставить он будет? Зверя-птицы нет у него!» Первый из них (из спорящих), хозяин тайги Казыра, сказал: «Дочерей моих поставлю, себя самого с женой [моей] вместе поставлю!» Потом опять стали играть.

Қазыр тайғаның ээзи удубал қатқырыбыза пер, қарталарын шелибисти. «Ам, теди, сен тайғадағы аң-қужунну нандра кӧчӱр-кӧр!» Ааң қатқызынна тайғада салғын салғынап, чаш ағаштар пӧгӱлдӱлер, чон ағаштар мычыраштурдулар. Ол қатқыға аңчы кижи қоруққан. Эртен аңчылар аңнап парғаннарда ларға пашқа-пашқа аңнар тоғашқаннар. Кӧп аңнап ӧдӱрпергеннер.

Хозяин тайги Казыра выиграл, засмеялся, бросил карты и сказал: «Теперь [сказал] из твоей тайги [находящихся] птицу-зверя обратно гони-ка!» От его смеха в тайге ветер подул — молодые деревья пригнулись, толстые деревья затрещали. Этого смеха охотник сильно испугался. Из глубины чащи тайги вышел, к охотничьему стану пришел, об этом рассказать боялся. Утром, когда охотники отправились промышлять, им разные звери попадались. Много зверей убили.

Қачан аңнап келгеннерде — пир апшый кижи айтты: «По тағдың элери қарт ойнағаннар. Қарт ойнапкелип, аңчы кижиге аң-қуш ызыперчалар».

Когда с промысла вернулись (и стали рассказывать), один старик [человек] сказал: «Это хозяева гор в карты играли. В карты играя, охотнику [человеку] зверя-птиц посылают».

Чооқтанчық:  Челей сӧӧғы,  Прас алтынғызы, аал Томазақ

Рассказчик: Род Челей, низовье р. Мрассу, ул. Томазак

Ном: «Шорский фольклор», Н. П. Дыренкова,  1940 чыл
 Шор тилиңге расшифроватьэткен Л. И. Чульжанова

Источник: книга «Шорский фольклор» Н. П. Дыренковой, 1940 г.