С любовью к Шории!

Қожа поларға ӱргеннерге керек

Ӱш оолақтың шығара чоқ. Элардың адылары: Челей, Алеша, Денис. Челей ээңне улуйе полар. Челейга тӧрт чаш, пешке четче. Алешаба Денис пир чаштығлар. Челей Алешадың Денисба постуғ оолақ. Денис Алешадың арий чабызарықта полза чоон оолағаш. Денис Новокузнецкта чатча, Челей Таштаголда, Алешаның аба-ичезебе ам-ла Таштаголға чадарга кӧжип келгеннер. Алеша Челейба ам таныштылар.

— Челей, Алеша, — айтқаннар ыларга. — Силер қарындаштар полчазар. Ээдет қожа, чақшы ойнап чӧрар. Ӧзере полужар.

— Чақшы, — айтқаннар ылар.

Аның ойнарга парыбыстылар. Ӱр да полбаан улғап чӱгӱр келдилер.

— Ноо полпарды? — сурадылар ыларды

— Ол мееңме ойнабаанча, — айтты Челей.

— Ол маға ойнарга пербеенча, — айтты Алеша.

— Че, — айтқаннар ыларға. — Ам қайара парарзар. Қожа ойнарга ӱргеннар.

Ол темде уға Денис кирди.

— Сен қайда полғазын, Денис? — сурадылар ааны

— Мен ташында полғам, — айтты Денис. Аның Алеша да Челейба кӧрип сурады:

— Ылар қайдат улғапчалар?

— Қожа ойнап полбаан улғапчаар, — айттылар ааға.

— Парақтар ойнарга, — айтты Денис. — Мен силерге ойнарга полужарым.

— Че, пар ойназаар, — айттылар ыларға.

Оолақтар ойнарга парабыстылар. Ӱрда полбан Денис улғап чӱгӱр келди.

— Ноо полпарды? — сурадылар ааны.

— Ылар мееңме ойнабаанчар, — айтты Денис.

— Кем ыларға полужарға санан?

Денис шим уғбалып, неенме де санан турбалып, парабыста ойнарга.

Паза ылар улғап келбеннер.

Виктор Байлагашев

Опубликовал
Автор и разработчик сайта tadarlar.ru

Комментарии

Смотрите также

Обратная связь