Тадарлар.ру

Суғ ээзиниң аара чооқ

Суғдуң ээзи парып тағға кирпартир. Араға ижип эзирип чығылабертир. Анаң суғ парбан турабертир. Аға қам кирип кӧрӱнмес қымысқазын суғдун ээзиниң пажына урапертир. Анаң қам нанып шығарға эткенде ааң кирген эжиги пектелип партыр.

Қам ажып чӧреберген. Ырақ парып чердин тӱндӱгӱнең пашқа чердең шығып партыр. Қам по черге шықкелген соонда айтыр: «Мен қамнап сергенче, турған суғ пажап ағыппарар, теп айтыр. Мен тағдаң шығарда суғдун ээзи қыйбыранып қалған, теп айтыр». Анаң қам сергенче, позу токтағанче суғ парабызаберген.

Алтынғалда (Себергеде) қам полтур. Ааң ады қам Байрамаш полған.

Чооқтанчық: Четибер сӧӧғы, Прас алтынғызы, аал Томазақ

Ном: «Шорский фольклор», Н. П. Дыренкова, 1940 чыл
Шор тилиңге расшифроватьэткен  Л. И. Чульжанова

 

Добавить комментарий